គ្មាន​ចំណាត់ក្រុម នីត្រូអុកស៊ីត អាចជួយកាត់បន្ថយការចងចាំអាក្រក់

ការទទួលបាននូវនីត្រូអុកស៊ីតក្រោយពេលជួបនឹងព្រឹត្តិការណ៍តក់ស្លុតអាចជួយកាត់បន្ថយនូវការចងចាំអាក្រក់ទាំងនោះបាន ការសិក្សាស្រាវជ្រាវដែលបោះពុម្ភនៅក្នុងទស្សវដ្ដីវិទ្យាសាស្រ្ត វេជ្ជចិត្តសាស្រ្ត (Psychological Medicine)។
ការទទួលបានបទពិសោធន៍តក់ស្លុតអាចធ្វើឱ្យអ្នកនឹករឿងនោះឡើងវិញ (Recurring intrusion)
ជម្ងឺបាក់ស្បាត (Post-traumatic stress disorder/PTSD) ជាជម្ងឺមួយដែលកើតឡើងនៅក្រោយពេលអ្នកជួបប្រទះព្រឹត្តិការណ៍តុកស្លុត ដែលជះឥទ្ធិពលប្រហែល ៥% ចំពោះបុរស និងប្រហែល ១០-១២%​ ចំពោះស្រ្តី។ អត្រាដែលខ្ពស់បំផុតនោះគឺជនរងគ្រោះដែលទទួលរងការរំលោភបំពានផ្លូវភេទ ដែលពួកគេអាចនឹងមានជម្ងឺបាក់ស្បាតពី ៦០-៨០%។

“ការចងចាំព្រឹត្តិការណ៍តុកស្លុត (intrusion)” ជារោគសញ្ញាមួយនៃជម្ងឺបាក់ស្បាត ដែលវាជាការចងចាំនូវព្រឹត្តិការណ៍តុកស្លុតទាំងនោះជាប់ ទោះជាព្រឹត្តិការណ៍នោះបានកន្លងផុតទៅហើយ។
អ្នកស្រាវជ្រាវដែលដឹកនាំដោយ Dr. Ravi Das នៃសាកលវិទ្យាល័យនៅទីក្រុងឡុង ចង់ដឹងថាតើនីត្រូអុកស៊ីតអាចមានឥទ្ធិពលយ៉ាងណាចំពោះការចងចាំព្រឹត្តិការណ៍តុកស្លុតក្រោយពេលជួបនូវព្រឹត្តិការណ៍ទាំងនោះ។ ការសិក្សានេះបានជ្រើសរើសអ្នកស្ម័គ្រចិត្តជាមនុស្សពេញវ័យដែលមានសុខភាពល្អចំនួន៥០នាក់ ហើយត្រូវបានត្រួតពិនិត្យដោយអ្នកចិត្តវិទ្យាគ្លីនីច និងវេជ្ជបណ្ឌិតដែលបានការបណ្តុះបណ្តាល។
ពួកគេបានអញ្ចើញអ្នកចូលរួមទាំងអស់មើលខ្សែភាពយន្តកាលពីឆ្នាំ ២០០២ ដែលមានចំណងជើងថា “Irreversible” ដែលបង្ហាញពីភាពហឹង្សា និងសាហាវដែលមនុស្សជាច្រើនខ្សែភាពយន្តមួយនេះមិនអាចមើលបានទេ។

នៅក្នុងការសិក្សាមុន ការជ្រើសរើសវីដេអូខ្លីដែលមិនសូវមានភាពសាហាវខ្លាំងដែលធ្វើឱ្យការចងចាំអាក្រក់នោះទេ ដូច្នេះវាមានភាពប៉ះពាល់ដល់ការប៉ះទង្គិចក្នុងជីវិតពិត។
លទ្ធផលនៃការប្រើប្រាស់នីត្រូអុកស៊ីត
ក្រោយពេលខ្សែភាពយន្តនោះហើយ អ្នកចូលរួមត្រូវបានផ្តល់ឧស្ម័នរយៈពេល៣០នាទីដើម្បីដកដង្ហើម។ ២៥នាក់ទទួលបានអុកស៊ីសែន និងនីត្រូអុកស៊ីតដែលលាយជាមួយគ្នាក្នុងបរិមាណ៥០-៥០ និង២៥នាក់ទៀតទទួលបានឧស្ម័ន (Medical air)។
មួយសប្តាហ៍ក្រោយមក អ្នកចូលរួមនៅតែកត់ត្រាជារៀងរាល់នៃការចងចាំឡើងវិញដែលទាក់ទងទៅនឹងខ្សែភាពយន្តនោះ។
សម្រាប់អ្នកដែលទទួលបាននីត្រូអុកស៊ីតមានភាពអន់ថយលឿនជាងនូវការចងចាំដែលរំខានទាំងនោះ។ ផ្ទុយទៅវិញអ្នកដែលទទួលយកខ្យល់ដកដង្ហើមធម្មតាយឺតជាង។
Dr. Das និយាយថា 


“យើងគិតថានេះដោយសារតែនីត្រូអុកស៊ីតបានបង្អក់នូវដំណើរការដើម្បីឱ្យការចងចាំនោះមានភាពអចិន្ត្រៃយ៍។”
គាត់បានពន្យល់ថា៖ “ជារៀងរាល់ថ្ងៃ ខួរក្បាលរបស់យើងថតយកពត៌មានជាច្រើន ពត៌មានខ្លះសំខាន់ ហើយខ្លះទៀតមិនសំខាន់។ បើសិនជាពត៌មាន “សារៈសំខាន់” គ្រប់គ្រងដើម្បីចងចាំបាន ឧទាហរណ៍នៅពេលដែលអ្នកទទួលបានចិត្តរំភើបខ្លាំង នោះអាចនឹងផ្ទុកបានរយៈពេលយូរ។”
ពត៌មានទាំងនោះ (ដែលសំខាន់) ទទួលនៅពេលថ្ងៃដោយ N-Methyl D-Aspartate (NMDA)​ ជាប្រព័ន្ធប្រសាទទទួលនៅក្នុងខួរក្បាល។ ពត៌មានទាំងនោះទុកនៅក្នុងការចងចាំរយៈពេលវែង (long-term memories)​ នៅពេលដែលយើងគេង។
នីត្រូអុកស៊ីតនេះបានទៅបិទប្រព័ន្ធប្រសាទទួលពត៌មាន NMDA នោះ​ មានន័យថាវាធ្វើការចងចាំនោះមានភាពចុះថយ។

ឯកសារយោង
Brazier, Y. (2016, March 6). “Nitrous oxide could reduce bad memories of a traumatic event.” Medical News Today. Retrieved from http://www.medicalnewstoday.com/articles/307409.php

SHARE

About CHHENGLY